Por qué o chaman falar cando queren dicir comunicación?

Falar por falar é como falar e non decir nada, sen aportar nada á outra persoa. Algo así sucede na comunicación, se o que escoita non se entera do que queremos dicir , non é comunicación. 

Pero o temos todos claro? Hai emisores que non teñen en conta á persoa coa que falan, e non coidan a mensaxe, o código o contexto nin os xestos, falan e xa. E se o receptor non entendeu a mensaxe non é problema deles.... Isto non é comunicacion. 


                   

No noso traballo a comunicación é fundamental, non se trata de falar, senón de comunicar información á persoa e debemos estar seguros, cando remata o encontro, que o que queriamos comunicar chegou correctamente ao emisor. Pero non só cos orientados, senon tamén con compañeiros de traballo e outros axentes externos cos que temos contacto por temas laborais. 

Para iso temos que ter en conta moitos factores, xa que a comunicación non está exenta de barreiras, é importante ter en conta o contexto, posibles interferencias (ruidos, muletillas ao falar), prexuizos, estereotipos, falta de feedback (importantísimo), efecto halo (xulgar sen coñecer) e non facer escoita activa. 

Temos que ter en conta tamén, que a comunicación é verbal e non verbal e ambas son igual de importantes nun proceso de comunicación. 

Cantas veces non chega un orientado decindo que lle dixeron unha cousa nunha oficina de emprego, que sabemos que é totalmente imposible?? Neste caso que decimos, que entendeou o que lle deu a gana? Ou que entendeu o que puido con un emisor que non se axustaba ao contexto e non o tiña en conta a el? O mesmo sucede a diario nos centros médicos, entendeu mal o paciente? Ou explicouse mal o médico? 

Se partimos da base de que o problema no erro da comunicación é fundamentalmente de quen comunica (ainda que aqui poderia haber un debate, sobre se é en todos os casos así), o erro nos dous exemplos anteriores estaría nos profesionais de algúns servicios que non axustan o código e non teñen en conta á persoa coa que están falando. 

Fundamental son tamén as habilidades sociais no orientador laboral, a asertividade, habilidades para a toma de decisions e resolucion de conflictos.

Cómo está a comunicación actualmente?

En relación co post anterior sobre curación de contidos, temos actualmente moitos medios de transmitir e de comunicar, blogue, web, facebook, twitter, mail, whatsapp,.... e sen embargo no canto de facilitar a comunicación, moitas veces a complican. Temos demasiados estímulos, moitos canles de comunicación e pouco coidado na utilización:

 

Neste video podemos ver un exemplo da importancia do contexto, da canle e do medio no que se transmite unha mensaxe:



     


É importante coidar a comunicación en calquer contexto e sexa cal sexa a canle elixida, debemos recordar que o importante é que a persoa entenda, polo que a escoita activa e o feedback son indispensables día a día no noso traballo.